గుంటూరు శేషేంద్ర శర్మను గుంటూరు శేషేంద్ర శర్మతోనే పోల్చడం సరైన పోలిక అవుతుందని, ఆయనను ఎవరితోనూ పోల్చి చూపడం సాధ్యం కాదని ఆయన అంతటి ప్రతిభావంతుడని ప్రముఖ సాహితీవేత్త డా.పప్పు వేణుగోపాలరావు అన్నారు. హైదరాబాదు విశ్వవిద్యాలయం లో కీ.శే. గుంటూరు శేషేంద్ర శర్మ ద్వితీయ స్మారక ఉపన్యాసంలో భాగంగా శనివారం ఏర్పాటు చేసిన కార్యక్రమంలో డా.పప్పు వేణుగోపాలరావు ముఖ్య అతిథిగా పాల్గొన్నారు. విశ్వవిద్యాలయం ఉపాధ్యక్షులు ఆచార్య సయ్యద్ ఇ హస్నైన్ అధ్యక్షతన జరిగిన ఈ కార్య క్రమంలో అతిధులను స్కూల్ ఆఫ్ హ్యమానిటీస్ డీన్ ఆచార్య మోహన్ జి, రమణన్ పరిచయం చేశారు. కార్యక్రమంలో ఆచార్య బేతవోలు రామబ్రహ్మం, శేషేంద్ర శర్మగారి సతీమణి ఇందిరాధన్ రాజ్ గిరి పాల్గొన్నారు.
డా. పప్పు వేణుగోపాలరావు గారి ప్రసంగం ఆధ్యంతం ఆసక్తి దాయకంగా సాగింది. పవర్ పాయింట్ ప్రజెంటేషన్ తో కొనసాగిన ప్రసంగం కవిగా, విమర్శకునిగా గుంటూరు శేషేంద్ర శర్మగారి సాహిత్య ప్రస్థానాన్ని సోదాహరణంగా వివరించిన తీరు అందర్నీ ఆకట్టుకుంది.
ఋతుఘోష కావ్యంలో శేషేంద్రశర్మ ప్రతిభను విశ్లేషించారు. తన కవితా ప్రస్థానం ఛందోబద్ద పద్యంతో ప్రారంభమైందని, సుదీర్ఘమైన సమాసాలను ప్రయోగించడంలో చిన్నప్పుడే గొప్పనైపుణ్యాన్ని ప్రదర్శించారని కొనియాడారు. ప్రాచీన కవుల్లో దండి, పెద్దన ల కవితానిర్మాణం శేషేంద్రలో కనిపిస్తుందని, వారిరువురూ క్రియతో శ్లోకం/ పద్యాలను ప్రారంభించి క్రియతో ముగించడం ఒక విశేషం అని విశ్లేషించారు.
పద్యం రాసినా, వచన కవిత్వం రాసినా యతిప్రాసలు తన మనసులో మెదులుతుంటాయని, ఆయన కవిత్వంలో రీతి కావ్య ఆత్మగా కనిపిస్తుందని అన్నారు. సందర్బోచిత శైలిని ప్రయోగించడంలో శేషేంద్ర శర్మ ఔచిత్యాన్ని పాటించి వాటి అవసరాన్ని దృష్టిలో పెట్టుకొని సుదీర్ఘసమాసాలను, సరళమైన, మృదువైన పదాలను ప్రయోగించడంలో గొప్పనేర్పరి అని సోదాహరణంగా వివరించారు.
శేషేంద్ర శర్మ రాసిన సుమారు 50 రచనల్లో మండేసూర్యుడు, శేషజ్యోత్స్న, గొరిల్లా, నాదేశం నాప్రజలు, ఆధునిక కావ్యశాస్త్రమ్ , శోడషి మొదలైన రచనల్లో గల వివిధ అంశాలను వివరించారు. ముత్యాల ముగ్గు చలన చిత్రానికి శేషేంద్ర శర్మ రాసిన నిదురించే తోటలోకి పాట ఒకటి వచ్చిందీ.. అనే పాటను శ్రావ్యంగా పాడి వినిపించారు.
వేణుగోపాలరావుగారు ఎంతో ప్రణాళికా బద్దంగా తన ప్రసంగాన్ని పవర్ పాయింట్ ప్రజంటేషన్ గా సమకూర్చుకున్నారు. తెలుగు, ఇంగ్లీష్, హిందీ, ఉర్దూ భాషల్లో అనర్ఘళంగా ప్రసంగాన్ని కొనసాగించారు. తెలుగుకి ఇతర భాషల్లో గల అనువాదాన్ని ప్రజంట్ చేసిన తీరు చాలా ఆకట్టుకుంది. ఆయన ప్రసంగం ప్రణాళిక ఇలా కొనసాగింది.
మొదట ఉపోద్ఘాతంలో శర్మగారిని నాలుగైదు వాక్యాల్లో పరిచయం చేశారు.
తర్వాత ఒక్కోకావ్యంలోని అంశాలను వరుసగా పేర్కొంటూ మధ్యమధ్యలో వారి పద్యాలను/ వచన కవితలను/ వారి వచన భాగాలను అవసరమైతే స్కాన్ చేసి చిత్రాలుగా అందిస్తూ వివరించారు. కొంతమంది సమకాలికుల అభిప్రాయాలను స్కాన్ చేసి చూపించి వివరించారు. చివరిగా కొన్ని ఫోటోలను చూపించారు. తెలుగుని కంప్యూటర్ లో ఇంత బాగా ఉపయోగించుకోవచ్చా? అనేటట్లు ప్రసంగాన్ని రూపొందించుకున్నారు. ఈ ప్రసంగం విన్న తర్వాత గుంటూరు శేషేంద్ర శర్మ గారిని సంప్రదాయ, ఆలంకారిక మార్గాల్లో ఎలా అన్వయించుకోవచ్చో ఒక చక్కని మార్గాన్ని గుర్తించగలుగుతారు.
విశ్వనాథ వారి ఒక నవలపై మాట్లాడుతున్న అరుణ
మూడు తరాల జీవితాలకు ప్రాతినిథ్యం వహించే కథలుగా బి.పి.కరుణాకర్ కథల గురించి మాట్లాడుతున్న హైదరాబాదు విశ్వవిద్యాలయం అధ్యాపకుడు డా. దార్ల వెంకటేశ్వర రావు
చక్కని తెలుగు వాక్యాలతో చిక్కని చిన్న కథను ఎలాంటి ఆర్భాటాలు లేకుండా బి.పి కరుణాకర్ కథలు రాశారని అభినందించిన శ్రీవేంకటేశ్వర విశ్వవిద్యాలయం మాజీ ఉపాధ్యక్షులు ఆచార్య కోలకలూరి ఇనాక్
కథారచయిత బి.పి కరుణాకర్ తన కథల్లో గల కొన్ని అంశాలను డా. దార్ల తో ముచ్చటిస్తున్న రచయిత. వేదిక పై గుడిపాటి ఉన్నారు.
నిర్నిమిత్తం కథాసంపుటిలో గల కథల గురించి ఒక సెమినార్ పత్రంలా శ్రద్దగా రాసుకొచ్చి ప్రసంగించిన కె.పి. అశోక్ కుమార్
కరుణాకర్ కథల్లో ఉన్న విషయాలన్నీ అందరూ మాట్లాడేసిన తర్వాత, ఈ సమయంలో ఆయన్ని అభినందించడమే నాకు ఆనందం... మనందరికీ ఆనందం అని వ్యాఖ్యానించిన కస్తూరి మురళీ కృష్ణ
పాలపిట్టల ప్రచురణల ద్వారా ఈ పుస్తకాన్ని తీసుకొచ్చి, అంబాలీసీ కథాసంపుటి తర్వాత శాస్త్ర సాంకేతికాంశాలపై కొత్త కోణంతో రాసిన కథలు ఇందులో ఉన్నాయని చెప్తూ వందన సమర్పరణ చేసిన ప్రచురణ కర్త గుడిపాటి
రచయితకు సనానం
చిన్నకథ రాయడంలో ఆంగ్ల కథారచయితలు ఎంతో నైపుణ్యం సాధించారని, ఆ ప్రయత్నం తానూ చేస్తున్నాని, తనవి కథలని ప్రచురించి ప్రోత్సహించన వాళ్ళందరికీ రచయిత బి.పి. కరుణాకర్ ధన్యవాదాలు తెలుపుకున్నారు.
ఆచార్య ఎండ్లూరి వారికి రచయిత ధన్యవాదాలు తెలుపుతుంటే, బ్లాగు మిత్రుడు కస్తూరి కలిసినందుకు ఆనందంతో దార్ల
సభానంతరం వేదగిరి రాంబాబు గారితో దార్ల వారి సంభాషణ
సభ జరగడానికి ముందు శీలా వీర్రాజు గారి దగ్గర కూర్చొని క్షేమ సమాచారాలు అడుగుతూ దార్ల
