రాజశేఖరచరిత్ర నవల: వివిధ దృక్కోణాలు (విద్యార్థి సదస్సు సంచిక, 2015-16 బ్యాచ్) వెలువడింది. ముద్రిత ప్రతి కావలసిన వారు సహసంపాదకురాలు, పరిశోధక విద్యార్థిని సడ్మెక లలితను సంప్రదించవచ్చు. అలాగే, e-bookని https://archive.org/details/RajasekharaCharitraStudentsSeminarEBook అనే వెబ్ సైట్ నుండి ఫ్రీగా డౌన్ లోడ్ చేసుకోవచ్చు.

కీ.శే. గుంటూరు శేషేంద్ర శర్మ ద్వితీయ స్మారక ఉపన్యాసం

గుంటూరు శేషేంద్ర శర్మను గుంటూరు శేషేంద్ర శర్మతోనే పోల్చడం సరైన పోలిక అవుతుందని, ఆయనను ఎవరితోనూ పోల్చి చూపడం సాధ్యం కాదని ఆయన అంతటి ప్రతిభావంతుడని ప్రముఖ సాహితీవేత్త డా.పప్పు వేణుగోపాలరావు అన్నారు. హైదరాబాదు విశ్వవిద్యాలయం లో కీ.శే. గుంటూరు శేషేంద్ర శర్మ ద్వితీయ స్మారక ఉపన్యాసంలో భాగంగా శనివారం ఏర్పాటు చేసిన కార్యక్రమంలో డా.పప్పు వేణుగోపాలరావు ముఖ్య అతిథిగా పాల్గొన్నారు. విశ్వవిద్యాలయం ఉపాధ్యక్షులు ఆచార్య సయ్యద్ ఇ హస్నైన్ అధ్యక్షతన జరిగిన ఈ కార్య క్రమంలో అతిధులను స్కూల్ ఆఫ్ హ్యమానిటీస్ డీన్ ఆచార్య మోహన్ జి, రమణన్ పరిచయం చేశారు. కార్యక్రమంలో ఆచార్య బేతవోలు రామబ్రహ్మం, శేషేంద్ర శర్మగారి సతీమణి ఇందిరాధన్ రాజ్ గిరి పాల్గొన్నారు.



డా. పప్పు వేణుగోపాలరావు గారి ప్రసంగం ఆధ్యంతం ఆసక్తి దాయకంగా సాగింది. పవర్ పాయింట్ ప్రజెంటేషన్ తో కొనసాగిన ప్రసంగం కవిగా, విమర్శకునిగా గుంటూరు శేషేంద్ర శర్మగారి సాహిత్య ప్రస్థానాన్ని సోదాహరణంగా వివరించిన తీరు అందర్నీ ఆకట్టుకుంది.
ఋతుఘోష కావ్యంలో శేషేంద్రశర్మ ప్రతిభను విశ్లేషించారు. తన కవితా ప్రస్థానం ఛందోబద్ద పద్యంతో ప్రారంభమైందని, సుదీర్ఘమైన సమాసాలను ప్రయోగించడంలో చిన్నప్పుడే గొప్పనైపుణ్యాన్ని ప్రదర్శించారని కొనియాడారు. ప్రాచీన కవుల్లో దండి, పెద్దన ల కవితానిర్మాణం శేషేంద్రలో కనిపిస్తుందని, వారిరువురూ క్రియతో శ్లోకం/ పద్యాలను ప్రారంభించి క్రియతో ముగించడం ఒక విశేషం అని విశ్లేషించారు.
పద్యం రాసినా, వచన కవిత్వం రాసినా యతిప్రాసలు తన మనసులో మెదులుతుంటాయని, ఆయన కవిత్వంలో రీతి కావ్య ఆత్మగా కనిపిస్తుందని అన్నారు. సందర్బోచిత శైలిని ప్రయోగించడంలో శేషేంద్ర శర్మ ఔచిత్యాన్ని పాటించి వాటి అవసరాన్ని దృష్టిలో పెట్టుకొని సుదీర్ఘసమాసాలను, సరళమైన, మృదువైన పదాలను ప్రయోగించడంలో గొప్పనేర్పరి అని సోదాహరణంగా వివరించారు.
శేషేంద్ర శర్మ రాసిన సుమారు 50 రచనల్లో మండేసూర్యుడు, శేషజ్యోత్స్న, గొరిల్లా, నాదేశం నాప్రజలు, ఆధునిక కావ్యశాస్త్రమ్ , శోడషి మొదలైన రచనల్లో గల వివిధ అంశాలను వివరించారు. ముత్యాల ముగ్గు చలన చిత్రానికి శేషేంద్ర శర్మ రాసిన నిదురించే తోటలోకి పాట ఒకటి వచ్చిందీ.. అనే పాటను శ్రావ్యంగా పాడి వినిపించారు.
వేణుగోపాలరావుగారు ఎంతో ప్రణాళికా బద్దంగా తన ప్రసంగాన్ని పవర్ పాయింట్ ప్రజంటేషన్ గా సమకూర్చుకున్నారు. తెలుగు, ఇంగ్లీష్, హిందీ, ఉర్దూ భాషల్లో అనర్ఘళంగా ప్రసంగాన్ని కొనసాగించారు. తెలుగుకి ఇతర భాషల్లో గల అనువాదాన్ని ప్రజంట్ చేసిన తీరు చాలా ఆకట్టుకుంది. ఆయన ప్రసంగం ప్రణాళిక ఇలా కొనసాగింది.
మొదట ఉపోద్ఘాతంలో శర్మగారిని నాలుగైదు వాక్యాల్లో పరిచయం చేశారు.
తర్వాత ఒక్కోకావ్యంలోని అంశాలను వరుసగా పేర్కొంటూ మధ్యమధ్యలో వారి పద్యాలను/ వచన కవితలను/ వారి వచన భాగాలను అవసరమైతే స్కాన్ చేసి చిత్రాలుగా అందిస్తూ వివరించారు. కొంతమంది సమకాలికుల అభిప్రాయాలను స్కాన్ చేసి చూపించి వివరించారు. చివరిగా కొన్ని ఫోటోలను చూపించారు. తెలుగుని కంప్యూటర్ లో ఇంత బాగా ఉపయోగించుకోవచ్చా? అనేటట్లు ప్రసంగాన్ని రూపొందించుకున్నారు. ఈ ప్రసంగం విన్న తర్వాత గుంటూరు శేషేంద్ర శర్మ గారిని సంప్రదాయ, ఆలంకారిక మార్గాల్లో ఎలా అన్వయించుకోవచ్చో ఒక చక్కని మార్గాన్ని గుర్తించగలుగుతారు.

4 comments:

rayraj said...

ఈ ప్రెజెంటేషన్ని రికార్డు చెయలేదా ఎవరూ!?

ఆ పవర్ పాయిట్ ప్రెజెంటేషనే ఇక్కడ పెడితే, బావుంటుందనిపిస్తే....చూడమని రిక్వెస్టు.

దుప్పల రవికుమార్ said...

ppt on Seshendra!
Great news to cherish.
kudos to the event organisers.

తాడేపల్లి said...

సర్ ! క్షమించాలి, ఈ వ్యాఖ్య మీకు నచ్చకపోతే ! దివంగత శేషేన్ గారి మీద ఒక కారణం చేత నాకు గౌరవభావం లేదు. వ్యక్తిగత జీవితంలో నీతినియమాలు పాటించలేనివారు సమాజానికి ఏ ముఖం పెట్టుకొని కవిత్వం ద్వారా నీతులు చెబుతారు ?

pandit jee said...

ppt on Seshendra!
Great news to cherish.
kudos to the event organisers.

1:04 AM
Anonymous తాడేపల్లి said...

సర్ ! క్షమించాలి, ఈ వ్యాఖ్య మీకు నచ్చకపోతే ! దివంగత శేషేన్ గారి మీద ఒక కారణం చేత నాకు గౌరవభావం లేదు. వ్యక్తిగత జీవితంలో నీతినియమాలు పాటించలేనివారు సమాజానికి ఏ ముఖం పెట్టుకొని కవిత్వం ద్వారా నీతులు చెబుతారు ?

vyaktigata jeevithamlo seshendra neeti niyamalu patincha ledani meeku evaru cheppparu? Dongachatugaa aayana oke saari iddary bharyalato samsaram cheyyaledu. Modati Bharyaku tagina paritoshikam muttina taruvatane ayana rendo pelli chesukunnaru. Tana vayassunu kooda lekka cheyakunda pillalaki rendo bharya dabbu ichachadu. valla poshana badhyatalanu vadili vellaledu... telusukondi..