ఈ ఫిలాసఫీ అంతసులువుగా అర్థంకాదు!
- ఆచార్య దార్ల వెంకటేశ్వరరావు,
తెలుగు శాఖ అధ్యక్షుడు,
యూనివర్సిటీ ఆఫ్ హైదరాబాద్,
హైదరాబాద్
రామ్ గోపాల్ వర్మ!
ఆ పేరే తెలుగు సినీ చరిత్రలో ఒక గొప్ప సంచలనం!
వివిధ సందర్భాలలో ఆయన చేసే ట్వీట్స్ ఆలోచనాత్మకంగా ఉంటాయి.
సమాజంలోని వాస్తవ సంఘటనలను తీసుకొని ఒక ఎమోషనల్ మూవీగా, కళాత్మకంగా తీర్చి దిద్దడంలో రామ్ గోపాల్ వర్మ గారిది ఒక ప్రత్యేకమైన శైలి.
ఆ విధంగా తెలుగు చలన చిత్రరంగ చరిత్రలో ఆయనదొక అధ్యాయం.
ఎవరినైనా నిర్మొహమాటంగా విమర్శించడంతో పాటు అలాగే తననెవరైనా విమర్శించినా అంతే స్పోర్టివ్ గా స్వీకరించడం నేను ఆయనలో గమనించిన ప్రజాస్వామిక గుణం.
నేను పని చేసే మా యూనివర్సిటీ ఆఫ్ హైదరాబాద్ లో డా.యజ్జల ప్రవీణ్ ఎం.ఏ. చదివేటప్పుడు మా విద్యార్థి. ఈమధ్య ఒకసారి నా దగ్గరకొచ్చి రామ్ గోపాల్ వర్మ గారి గురించి ఒక పుస్తకం రాశానన్నాడు. దాన్ని నాకిచ్చి చదవమన్నాడు. అతడు మొదట తాను పిహెచ్.డి చేస్తానన్న రామ్ గోపాల్ వర్మ గురించి పుస్తకం రాసినందుకు నాకు సంతోషం మనిపించింది. పుస్తకం పేరు ఇంటిలిజెంట్ ఇడియెట్ ? దీనిలో ప్రశ్నార్థకాన్ని బాగా గుర్తించాలి. అది తెలియాలంటే పుస్తకమంతా చదవాలి. పుస్తకంలోని వస్తువు రామ్ గోపాల్ వర్మ గారి గురించి కొంతైనా తెలియాలి. ఆ పుస్తకం రాసిన ప్రవీణ్ మనస్తత్వం కూడా తెలిస్తే మరింత మంచిది.
ప్రవీణ్ అనేక కష్టనష్టాలను భరిస్తూ ఉన్నత చదువులు చదివిన వ్యక్తి. కేవలం డిగ్రీల కోసం చదివినవాడు కాదు. చదివితే డిగ్రీలెవరికైనా వస్తాయి.కానీ సామాజిక అవగాహన కొంతమందికే వస్తుంది. దాన్ని అవగాహన చేసుకొనే క్రమంలో అనేక సంఘర్షణలకు గురౌతున్నాడు. సమాజంలో ప్రభావశీలమైన అంశాలు, వాటికి కారణమైన వ్యక్తులు, ఆ వ్యవస్థలు ఏమిటో తెలుసుకోవాలి. ఆ పరిస్థితులకు గల కారణాలను అన్వేషించి పరిశీలించడమే సామాజిక అవగాహనలో ఒక ప్రధాన పార్శ్వం. సమాజాన్ని సినిమాలు, రాజకీయాలు అత్యంత శక్తివంతంగా ప్రభావితం చేస్తున్నాయి. వాటిలో తాను కూడా ఎందుకు భాగస్వామ్యం కాకూడదనుకుంటున్నాడేమో అనిపిస్తుంది.
ప్రవీణ్ నాతో మాట్లాడినప్పుడల్లా ఎక్కువగా సినిమాలు గురించే మాట్లాడేవాడు. సినిమా రివ్యూ, స్క్రిప్ట్, డైలాగ్స్, డైరెక్షన్...ఇలా సినిమా నిర్మాణంలో వివిధాంశాలు చెప్తుండే వాడు. వాటిని ఫలానా ఫలానా డైరెక్టర్ కి వినిపించానని చెప్తుండేవాడు. తన ఫేస్ బుక్ లోను, తన వాట్సాప్ తదితర సామాజిక మాధ్యమాల్లో తాను కలిసిన సినిమా నటులు, దర్శకులు, సినీ రచయితల ఫోటోలు పెడుతుండే వాడు. మొదట్లో అతను తానో సినిమా కథ రాశాననీ, ఇలా ఉంటుందనీ చెప్తుంటే ఓ చెవి అటు పడేసే వాణ్ణి. అలాంటి కథలెన్నో సినిమా వాళ్ళు విన్నా పట్టించుకొనేవాళ్ళెవ్వరుంటారను
అలా ప్రవీణ్ మాట్లాడే మాటల్లో నిజాయితీ ఉంటుంది. తనకు కలిగిన స్పందననంతా మాటలుగా పలికేస్తాడు. ఆ మాటల్లో ఒక్కోసారి పసిపిల్లవాడి స్వచ్ఛత ఉంటుంది. ఒక్కోసారి లౌక్యం తెలిసిన వాడిలా మాట్లాడే అమాయకత్వం కనిపిస్తుంది. ఒక్కోసారి అతని మాటల్లో ఇంటిలిజెన్స్ లా అనిపించే ఇన్నోసెన్స్ బయటకొచ్చేస్తుంది. ఒకవేళ తన పనులు వల్ల ఫెయిల్యూర్స్ వస్తే మళ్ళీ సూచనలు, సలహాలు చెప్పినవారి దగ్గరకెళ్ళి, తన తప్పుల్ని నిజాయితీగా ఒప్పుకుంటాడు! ఇక పుస్తకం విషయానికి వస్తాను.
***
చలనచిత్రమనేది మానవ ఉద్వేగాలను కళాత్మకంగా అందించే అత్యంత శక్తివంతమైన సాధనం. అలా ఉద్వేగాలను ప్రకటించాలంటే పలికించే వాడికి ఉద్వేగం ఉన్నా, దాన్ని అలాగే ఉరికి రానివ్వకూడదు. ప్రజల ఎమోషన్ దేనితో కనెక్ట్ అయ్యి ఉంటుందో దాన్ని గుర్తించగలిగాలి. అలాంటప్పుడు తప్పొప్పులు, సమాజం, కళా ప్రయోజనం వంటివన్నీ సంప్రదాయ సూత్రీకరణలకు లొంగవు. ప్రవీణ్ రాసిన ఈ పుస్తకంలో రామ్ గోపాల్ వర్మ జీవితం, దానితో ముడిపడిన చలనచిత్ర వాతావరణం, ఆ వాతావరణం నుండి తనను తాను కాపాడుకుంటున్న ఒక గొప్ప ఫిలాసఫర్ గమనించవచ్చు. ఇదంతా చేస్తున్నదెవరంటే, రామ్ గోపాల్ వర్మ గారిలోని ఇంటిలిజెంట్. ఒక విధంగా రామ్ గోపాల్ వర్మ జీవితాన్ని అర్థం చేసుకోవడానికి ఉపయోగపడే ఒక రచన. ఇది సంప్రదాయ రచన పద్ధతిలో వచ్చిన జీవిత చరిత్ర లాంటిది కాదు. దీన్ని రాయడానికి ప్రవీణ్ ఎంచుకున్న రచనా పద్ధతి విశిష్టంగా కనిపిస్తుంది. తెలుగు సాహిత్యంలోని ఒక కవితలో, ఒకకథనో, ఒక పద్యాన్నో, ఒక సన్నివేశాన్నో... వివరిస్తాడు. దాన్ని రామ్ గోపాల్ వర్మ జీవితానికి, అతని జీవితంతో ముడిపడిన జీవితాలకు అన్వయించే ప్రయత్నం చేస్తాడు. అంతలోనే ఏ ఇంగ్లీష్ కవో చెప్పిన వాక్యం గాని, ఒక ఫిలాసఫర్ గాని చెప్పిన అభిప్రాయంతో గానీ దాన్ని ముడి పెడతాడు. అదీ సరిపోకపోదనుకుంటే ఏవో కొన్ని నవలల్ని చెప్పి, వాటిలోని నా సన్నివేశాలతో కూడా కలిపి విశ్లేషిస్తుంటాడు.దీన్ని రాయడానికి ప్రవీణ్ ఎంచుకున్న రచనా పద్ధతి విశిష్టంగా కనిపిస్తుంది. తెలుగు సాహిత్యంలోని ఒక కవితనో, ఒకకథనో, ఒక పద్యాన్నో, ఒక సన్నివేశాన్నో... వివరిస్తాడు. దాన్ని రామ్ గోపాల్ వర్మ జీవితానికి, అతని జీవితంతో ముడిపడిన జీవితాలకు అన్వయించే ప్రయత్నం చేస్తాడు. అంతలోనే ఏ ఇంగ్లీష్ కవో చెప్పిన వాక్యంగాని, ఒక ఫిలాసఫర్ గాని చెప్పిన అభిప్రాయంతో గానీ దాన్ని ముడి పెడతాడు. అదీ సరిపోకపోదనుకుంటే ఏవో కొన్ని నవలల్ని చెప్పి, వాటిలోని సన్నివేశాలతో కూడా కలిపి విశ్లేషిస్తుంటాడు.దీని ద్వారా ప్రవీణ్ అధ్యయన విస్తృతి తెలుస్తూనే, రామ్ గోపాల్ వర్మ అప్పటికైనా తనకు దొరుకుతాడో లేదో ననే అన్వేషణతో మరికొన్ని మార్గాల్ని కూడా వెతుకుతూ ముందుకి వెళుతుంటాడు.దీని ద్వారా ప్రవీణ్ అధ్యయన విస్తృతి తెలుస్తూనే, రామ్ గోపాల్ వర్మ అప్పటికైనా తనకు దొరుకుతాడో లేదో ననే అన్వేషణతో మరికొన్ని మార్గాల్ని కూడా వెతుకుతూ ముందుకి వెళుతుంటాడు. ప్రవీణ్ తాను రామ్ గోపాల్ వర్మ పై డాక్టరేట్ చేస్తానని కొంతమందిని కలిసినప్పుడు తాను ఎదుర్కొన్న సంఘటనలు ఇందులో ఎంతో వాస్తవికంగా చెప్పాడు. ఆ సందర్భంలో రాంగోపాల్ వర్మ చెప్పిన మాట నాకు ఎంతో ఆశ్చర్యాన్ని కలిగించింది. అది వాస్తవం లో కూడా నేను గమనించాను. ఆయనపై డాక్టరేట్ చేస్తానని చేయకపోయినా మరలా అంతే ప్రేమతో ప్రవీణ్ ని తన దగ్గరికి తీసుకోవడమే ఆ వాస్తవికతకు నిదర్శనం.
ఈ పుస్తకం చదువుతుంటే ఒక జీవిత చరిత్ర అ చదివినంత అనుభూతి కలుగుతుంది. ఒక ఫిలాసఫర్ ని మనకి చూపిస్తున్న దృశ్యం కనిపిస్తుంది. నిరంతర సంఘర్షణ పడే ఓ మనస్తత్వం మన మనసులో మెదులుతుంది. ఒక సమాజ స్వరూపం మన కళ్ళముందు కదిలాడుతుంది. అనేక కనిపించని రహస్య ద్వారాలు మన మనో నేత్రాలు మనకు దారి చూపిస్తాయి.
అంతిమంగా పుస్తకం అంతా చదివిన తర్వాత రామ్ గోపాల్ వర్మ లో ఉన్న ఫిలాసఫీ తెలిసి ఆయన పట్ల మనకి గౌరవం పెరుగుతుంది. అంతవరకు రాంగోపాల్ వర్మ గారి పట్ల మనలో ఉన్న ఇడియాటిక్ ఫీలింగ్స్ అన్నీ మారిపోతాయి. మరి, పుస్తకంలో రామ్ గోపాల్ వర్మ గార్ని సంబోధిస్తూ పెట్టిన శీర్షికల్ని ఎలా అర్థం చేసుకోవాలని అనిపిస్తుంది కదూ? అక్కడే ఉన్నాడు ప్రవీణ్ లోని ఒక రచయిత! ప్రవీణ్ లోని ఒక జర్నలిస్ట్. ప్రవీణ్ లోని ఒక ఇంటిలిజెంట్. ప్రవీణ్ ని ఇప్పుడు నిర్లక్ష్యం చేసిన వాళ్లే అతని ఇంటిలిజెన్స్ తో ఉన్నతస్థితిలో ఉండడాన్ని చూసి ఆశ్చర్యపోయి రోజు కూడా వస్తుందనిపిస్తుంది.
ఈ పుస్తకం చదివిన తర్వాత రచయిత ఇంటెలిజెంటా? ఇడియటా? ప్రేక్షకుడు ఇంటెలిజెంటా? ఇడియటా? పాఠకుడు ఇంటెలిజెంటా? ఇడియటా? ఇలాంటి ప్రశ్నలెన్నింటికో మనకు స్పష్టమైన సమాధానాలు దొరుకుతాయి. తెలుగు సాహిత్యంలో ఒక విభిన్న దృక్పథంతో జీవిత చరిత్రలకు మార్గం వేసిన
ప్రవీణ్ ని మనస్పూర్తిగా అభినందిస్తున్నాను.
కామెంట్‌లు లేవు:
కామెంట్‌ను పోస్ట్ చేయండి