హెచ్ సియు తెలుగు శాఖలో జ్యోతిరావు బా పూలే జయంతి
జ్ఞానమనేది అన్ని కులాలు, వర్గాలకు అందాలని ఉద్యమాలు చేసిన గొప్ప సంస్కర్త మహాత్మ జ్యోతీరావు బా పూలే అని వక్తలు పేర్కొన్నారు. సోమవారం నాడు హైదరాబాద్ విశ్వవిద్యాలయం, తెలుగు శాఖ అధ్యక్షుడు ఆచార్య దార్ల వెంకటేశ్వరరావు అధ్యక్షతన జ్యోతీరావుబా పూలే 195 వ జయంతి కార్యక్రమాన్ని నిర్వహించారు. సమాజంలో అన్ని వర్గాల వారు చదువుకోవాలని, దానికోసం విద్యాసంస్థలను స్థాపించడంలోను, స్త్రీ విద్యను ప్రోత్సహించడంలోను ఆయన ఎంతగానో కృషి చేశారని ఆచార్య దార్ల వెంకటేశ్వరరావు అన్నారు. మహాత్మా అనే బిరుదు ఇద్దరికే ఉందనీ వారు జ్యోతీ రావుబా పూలే ఒకరు, రెండవ వారు గాంధీజీ అని వివరించారు. కులం,మతవివక్ష, వివక్ష, ఆధిపత్యం ఏ రూపంలో ఉన్నా దాన్ని నిరసిస్తూ, సమన్యాయం కోసం కృషి చేశారనిహెచ్ సియు టీచర్స్ అసోసియేషన్ అధ్యక్షుడు ఆచార్య పిల్లలమర్రి రాములు వివరించారు.ఈ కార్యక్రమంలో ఆచార్య ఎం.గోనానాయక్, ఆచార్య పమ్మి పవన్ కుమార్, ఆచార్య డి.విజయలక్ష్మి, డా.బి.భుజంగరెడ్డి, డా.దాసర విజయకుమారి తదితరులు పాల్గొన్నారు.
కామెంట్‌లు లేవు:
కామెంట్‌ను పోస్ట్ చేయండి