అందరిలా నీతోనూ
హడావిడిగా ఏవేవో శుభాకాంక్షలూ చెప్పలేను
నీతో నేను గుండె తడితో మాట్లాడాలి
నీతో నేను తడబడినా తమకంతో
ఆ తరగని మమకారంతో మాట్లాడాలి
నీతో నేను నిత్యం అందర్నీ పలకరించినట్లే
నీతోనూ మాట్లాడలేను
నువ్వు నాతోనూ-నేనూ నీతోనూ
నిత్యం నిశ్శబ్దంగా
ఒక ప్రకృతి సంగీతంలా మాట్లాడాలి
అయినా నీతో నేను -నాతో నువ్వూ
విడివిడిగా మాట్లాడ్డమేంటి?
నువ్వు నాలోనూ -నేనూ నీలోనూ ఉంటే
అందరిలాగే నిన్నూ చూడగలనా?
పసి పిల్లాడు స్విచ్చాఫ్ చేస్తూ స్విచ్చాన్ చేస్తూ
పొందే ఆనందంలా
నా కనురెప్పల్లోనే దాగున్న నీతో
నా కనురెప్పల చప్పుళ్ళతోనే
దోబూచులాడ్డంమెంతో సరదాకదా
అందరిలా నీతోనూ నేనలా మాట్లాడలేను!
- దార్ల వెంకటేశ్వరరావు, 27.6.2021
No comments:
Post a Comment