శ్రీనివాస లీలా విలాసం!

శ్రీనివాస‌లీలా విలాసం!
స్వామీ!

 ఇంకొన్నాళ్ళపాటు నీ చిరునవ్వుల జల్లుల్లో

నన్నూ తడవనివ్వగలవా?
స్వామీ!

ఇంకొన్నాళ్ళపాటు నీ దోబూచులాటల్లో
నన్నూ ఆడుకోనివ్వగలవా?
స్వామీ!

ఇంకొన్నాళ్ళపాటు నిన్నీ భుజాల పల్లకీపై
నన్నూ మోయనివ్వగలవా?
స్వామీ!

ఇంకొన్నాళ్ళపాటు ఈ గోరుముద్దల్ని
నాకూ తినిపించే భాగ్యాన్నివ్వగలవా?
స్వామీ!

ఇంకొన్నాళ్ళపాటు నీ బుడిబుడి అడుగులకు పూల పాన్పుగా ఈయెదను

నన్నూ సమర్పించనివ్వగలవా?
స్వామీ!
నువ్వు నా మెడచుట్టూ రెండు చేతులతో
బంధించిన క్షణంలో
నీ మెడలో నన్నూ ఓ పూలదండనవ్వనివ్వగలనా!!
-ఆచార్య దార్ల వెంకటేశ్వరరావు, 3.5.2020