జగన్నాటకం

26 ఏప్రిల్, 2019 గణేష్ దినపత్రిక 

జగన్నాటకం!

నాపై ఒక పసిపాప పాదంలా 
ఆకాశగంగ కేరింతలు కొట్టినప్పుడు
హృదయమంతా మాతృత్వపు పలకరింపు!
నాపై ఒకప్రియురాలి కౌగిలా
శరన్మేఘం చేతులు చాచినప్పుడు
మనసంతా మన్మధపరిమళపు పులకరింత!
నాపై ఒక మోసకత్తె బాణంలా
వడగండ్ల చూపులు విసిరినప్పుడు
తనువంతా రక్తసిక్తమైన పలవరింపు!
నాపై ఒక అవకాశవాది వలపులా
వడిగానో, వరదగానో తుఫానులైనప్పుడు
ప్రాణమంతా విలవిలలాడుతూ కలవరింత!
నాపై  తుంపర్లే పడినా 
నాపై వర్షమే కురిసినా  వరదలే పారినా
అన్నింటినీ హత్తుకున్నట్లున్నా
అంతాజగన్నాటకం!
నేనొక తామరాకుని! !
-ఆచార్య దార్ల వెంకటేశ్వరరావు, హైదరాబాద్
29.4.2019