"Voice of a Dalit: The Poetry of Darla Venkateswara Rao, Published by Prestige Books International, New Delhi, this book is available at Flifkart. ఎం.ఏ., విద్యార్థులకు మీ టైమ్ టేబుల్ ప్రకారం క్లాసులు జరుగుతాయి. మీ డిసర్టేషన్ కోసం అంశాన్ని త్వరగా ఎంపిక చేసుకోవాలి

17 August, 2018

ప్రేమ- ఫలం! ( నేటి నిజం, 18 ఆగస్టు 2018 సౌజన్యంతో..)

నేటినిజం, సాహిత్యానుబంధం 17 ఆగస్టు 2018

ప్రేమ- ఫలం!

నువ్వు నాపక్కనున్నా-నీపక్కను నేనున్నా 

నాకేంటో కాలాన్ని కట్టేయాలనిపిస్తుంది
కులమతగీతల్ని చెరిగిపోయినట్లనిపిస్తుంది
నెర్రబారిన నేలేదో  కొత్తబీజాలకు 

యెద వాకిళ్ళు తెరచినట్లనిపిస్తుంది
నీళ్ళల్లోకి చూస్తున్నంత సేపూ 

నల్లమల అడవుల్లో వెదురువనం
కురిపించే మెరుపు సంగీతాన్నేదో 

మనసుమైదానంలో 

కొత్త చిగుళ్ళేస్తున్నట్లనిపిస్తుంది
నువ్వూ-నేనూ కలిసున్నంతసేపూ
శబ్దామృతాన్ని నిశ్శబ్దంగా భోంచేస్తామో
జఠరాగ్నుల శత్రుదాడుల్ని జయిస్తామో
విందుభోజనం చేసినంత సంతసిస్తాం!
నువ్వున్నంతసేపూ 

పూలపరిమళల జల్లుల్లో తడుస్తున్నట్లు-
నా హృదయాకాశంనిండా నింపిన
వేలాది  నిండుపౌర్ణమి చంద్రికలు

నీళ్ళల్లో సల్లగా ఏరుకుంటున్నాను...
ఒక్కోసారి ఆనందమో అంతులేని భారమో
నీదగ్గరకుమ్మరించేయాలనుకున్నప్పుడల్లా
మాటలమూటల్ని విప్పలేనప్పుడు 

తలపై నిమిరేస్పర్శనై పసిశిశువులా లాలించే 

ఆ నులివెచ్చని మదినో వీడలేక 

లైలా మజ్నూలైపోవాలనిపిస్తుంది.
మనసుల మరుమల్లెల్నిగుర్తించక 

కర్కశంగా బండరాళ్లతో 

కులసమాధుల్లో పూడ్చిపెట్టినా
ప్రేమ వృక్షానికి ఎరువుగా మారిపోయైనా
కొత్త చిగురునీ
కొత్త పూవునీ, కొత్త ఫలాన్నన్వాలనిపిస్తుంది.

-దార్ల వెంకటేశ్వరరావు,
9182685231

No comments: