సరదా పద్యాలు

గణేష్ సమగ్ర పత్రిక, 27 జూన్ 2018

'చారు' నెవ్వరయ్య మరి' చారు'? రుచిచూడ
విడివరెవరు 'చారు' విస్తరున్న
మనసు నున్న 'చారు' మతివోలె తలి' చారు' !
దారి పూల తోట దార్ల మాట! 

.  గుండు నిట్లు మిగిలె గుట్టునేతెలుపుచు
బోల్డుహెడ్డుకున్నభోగమేమి
దువ్వెనెన్నిమార్లు దువ్వుదురదతీర్చు
దారి పూల తోట దార్ల మాట!

. పిలవకున్న వచ్చు ప్రియమైన శత్రువు
పోనువెనుకకనుచు పోరుపెట్టు
చెప్పనేలబొజ్జ చెలిమైనశత్రువే! 
దారి పూల తోట దార్ల మాట! 

  వేసవి సెలవులకు వెళ్ళితినూరుకి
ఉక్కబోసిచంపె ఊరునందు 
అన్నిమరచిపోతి అమ్మనుచూడగా
దారి పూల తోట దార్ల మాట!

 ప్రజలభాషలేమి పట్టించకోనట్టి
విద్యపేరవిర్రవీగువాడు
సూత్రమనినయేమిచూసుకొనేడ్వరా
దారి పూల తోట దార్ల మాట!