పరిసరాల పరిశుభ్రత పై వ్యాసరచన పోటీలు

స్వచ్ఛతా పక్షోత్సవాల్లో భాగంగా నాల్గవరోజు సోమవారం హైదరాబాద్ విశ్వవిద్యాలయంలో వ్యాసరచన పోటీలు జరిగాయి. మన పరిసరాల పరిశుభ్రత తో పాటు,  ఇతరులు కూడా పరిశుభ్రంగా ఎలా ఉండాలో వినూత్నమైన పద్ధతిలో కొన్ని సూచనలు అందించడానికి ఈ పోటీలు ఎంతగానో దోహదం చేస్తాయని స్వచ్ఛతా పక్షోత్సవ కమిటీ ఛైర్మన్ ఆచార్య దార్ల వెంకటేశ్వరరావు  ఉద్భోదించారు.

ఆంధ్రజ్యొీతి దినపత్రిక, శేరిలింగంపల్లి, 6 సెప్టెంబరు 2017

హిందీ, ఇంగ్లీషు, తెలుగు భాషల్లో ఈ పోటీలను నిర్వహించారు. సుమారు 135 మంది విద్యార్థిని విద్యార్థులు ఈ పోటీలలో పాల్గొన్నారు. మూడు విభాగాల్లోనూ ప్రధమ,ద్వితీయ, తృతీయ బహుమతులను ప్రకటిస్తారని ఆచార్య దార్ల చెప్పారు. ఈనెల 15వ తేదీన జరిగే ముగింపు ఉత్సవంలో బహుమతి ప్రదానోత్సవ సభ ఉంటుందన్నారు. భారతదేశవ్యాప్తంగా సెంట్రల్ యూనివర్సిటీ లన్నీ ఈ కార్యక్రమాన్ని నిర్వఘ్నంగా కొనసాగిస్తున్నాయి. దీనిలో భాగంగానే ఈ పోటీలు జరుగుతున్నాయని డిప్యూటీ డి ఎస్ డబ్ల్యు డాక్టర్ జి.పద్మజ విద్యార్థులకు వివరించారు. ఈ కార్యక్రమంలో విద్యార్థి సంక్షేమ విభాగం సిబ్బంది శ్రీ సతీష్ , అరవింద్ తదితరులు పాల్గొన్నారు