పక్షి ఆకాశాన్ని ప్రేమిస్తుంది
అది ఏ ఒక్క మేఘానికో మాత్రమే
బంధీ కావడం లేదు.
అది ఎగిరేది ఒక చెట్టు కోసం కాదు
దూరాన కనిపించేతన గమ్యం కోసం.
నది ఒక రాయిని తాకి అక్కడే ఆగిపోదు.
ఎన్ని మలుపులు వచ్చినా
సముద్రమనే లక్ష్యాన్ని
మనసులో మోస్తూనే ఉంటుంది.
విత్తనం మట్టిలో పడినప్పుడు
చీకటిని ద్వేషించదు.
తనలో దాగిన చెట్టునే నమ్ముతుంది.
లక్ష్యంతో జీవించే మనసు
దీపంలా ఉంటుంది.
గాలి వీచినా
మళ్ళీ వెలిగే ప్రయత్నం చేస్తుంది.
వ్యక్తులు మారవచ్చు,
వస్తువులు కనుమరుగవచ్చు,
లక్ష్యం మాత్రమే
మనిషిని లోపల నుంచి నిలబెడుతుంది.
ఒక చెట్టు ఆకాశాన్ని ముద్దాడాలంటే
ముందు వేర్లు తన నేలలోకి వెళ్లాల్సిందే!
డా.దార్ల వెంకటేశ్వరరావు 27.5.2026
కామెంట్లు లేవు:
కామెంట్ను పోస్ట్ చేయండి