వర్షించెనొక మౌనసంగీతం!
మౌనానికున్న ఆ భాష నీకు తెలియాలంటే
ఆ ప్రవహించే నదిని చూడు
మౌనానికున్న ఆ భావం నీకు అర్థం కావాలంటే
కరిగి కరిగి హిమశిఖరమే
నదిగా మారిన ప్రవాహాన్ని చూడు
పరుగుపరుగున వచ్చిన ఆ నదిని
తనలో కలుకున్నంతనే
చిన్నపిల్లాడి చేతిలో తియ్యని పదార్థమేదో ఆవిరై
మళ్ళీశిఖరంలా మారిన హిమాలయాన్ని చూడు
నదిలో శిఖరమున్నది
శిఖరంలోనే నది ఉంది
ఈ రెండూ ఒకర్నొకరు వీడకుండానే
విడివిడిగా
ఒకరికొకరు కరిగించుకుంటూ
ఒకరికొకరు మరిగించుకొంటూ
తమలో తామే స్పటికంలా మెరుస్తుంటాయి
నదీ - హిమశిఖరమూ మాత్రమే చూసుకోగల
అద్వైత సౌందర్యచిత్రమది
నదికీ - హిమశిఖరానికీ మాత్రమే
ఏకాంతంగా వినగలిగే మౌన సంగీతమది!
దార్ల వెంకటేశ్వరరావు,
9182685231
కామెంట్‌లు లేవు:
కామెంట్‌ను పోస్ట్ చేయండి