రాజశేఖరచరిత్ర నవల: వివిధ దృక్కోణాలు (విద్యార్థి సదస్సు సంచిక, 2015-16 బ్యాచ్) వెలువడింది. ముద్రిత ప్రతి కావలసిన వారు సహసంపాదకురాలు, పరిశోధక విద్యార్థిని సడ్మెక లలితను సంప్రదించవచ్చు. అలాగే, e-bookని https://archive.org/details/RajasekharaCharitraStudentsSeminarEBook అనే వెబ్ సైట్ నుండి ఫ్రీగా డౌన్ లోడ్ చేసుకోవచ్చు.

నా కొత్త పుస్తకం ‘‘ సాహితీమూర్తులు-స్ఫూర్తులు’’ వెలువడింది

నా కొత్త పుస్తకం  ‘‘ సాహితీమూర్తులు-స్ఫూర్తులు’’ (సాహిత్య విమర్శ వ్యాసాలు) వెలువడింది. ప్రస్తుతం మార్కెట్ లో ఉంది. ఆన్ లైన్ లో కినిగె ద్వారా అందబాటులో ఉంది.

దీనికి ఆచార్య బేతవోలు రామబ్రహ్మం గారు ముందుమాట రాశారు. ఆయన రాసిన కొన్ని అభిప్రాయాలు...
‘‘విషయ వైవిధ్యంతో కూడిన వ్యాసాలు సాహితీ విద్యార్థులకు చక్కగా పాఠం చెప్తున్నట్లుగా సరళమైన భాషలో అందించటం విశేషం. అత్యాధునికమైన సాహిత్య విమర్శసూత్రాలూ, సిద్ధాంతాలూ గమనించి ఆ దృష్టికోణంతో దార్ల ఈ వ్యాసాలను రచించినట్లు స్పష్టంగా చెప్పగలను.
ఈ వ్యాస సంపుటిలోని వ్యాసాలన్నీ సదస్సులకోసం రాసినవే. సదస్సు ముగిసిన పిదప, ఆ వ్యాసంపై వచ్చిన అభిప్రాయాలను క్రోడీకరించి, విమర్శలను పునః సమీక్షించి పత్రాన్ని మళ్ళీ సిద్ధం చేయటం నిజాయితీకల పత్ర సమర్పకుడు చేయవలసిన పని. ఈ వ్యాసాలన్నీ ఇలా చేసినవేనని ఆ వ్యాసాలలో కన్పించే నిఖార్సయిన రిసెర్చి మెథడాలజీ చెప్పకనే చెప్తుంది. ఈ విషయంలో మాత్రం విద్యార్థులు- విద్యార్థులే కాదు కొందరైనా అధ్యాపకులూ దార్లని చూసి నేర్చుకోవాలని నా అభిప్రాయం. సీరియస్‌గా సాహిత్యవిమర్శ, పరిశోధన రంగాలలో పని చేసే వారికీ, సాహిత్య విద్యార్థులకీ ఈ పుస్తకం ఒక ‘ఫేస్ బుక్’ వంటిదని విన్నవించుకొంటూ- పాఠకులకు స్వాగతం పలుకుతున్నాను. దార్ల వారిని అభినందిస్తున్నాను.
బేతవోలు రామబ్రహ్మం’’

No comments: