హూందాగా వ్యవహరించిన సాక్షి పత్రికకు అభినందనలు!

సాక్షి తెలుగు పత్రిక (13-7-2008) లో క్రీస్తు బోధనలను వివరిస్తూ, క్రీస్తు బొమ్మను కూడా ప్రచురించడంలో జరిగిన పొరపాటుకి వెంటనే స్పందించి, తగిన విధంగా క్షమాపణ కోరడంలో ఆ పత్రిక యాజమాన్యం గొప్ప హూందాతనంతో వ్యవహరించింది. మొదటిపేజీలోనే తన పొరపాటుని అంగీకరించింది. పైగా , సాక్షి పత్రిక క్రైస్తవుల మనోభావాలను కావాలని దెబ్బతీసే విధంగా చేయలేదనీ, అది సాంకేతికంగా జరిగిన పొరపాటనీ స్పష్టంగానే తెలుస్తుంది. నేట్ లో చూస్తే ఈ ఫోటో గూగుల్ సెర్చ్ లో మూడవ ఫోటోగా కనిపిస్తుంది. సరిగ్గా పరిశీలిస్తే తప్ప జీసెస్ ఫోటోలో జరిగిన మార్పులు కూడా కనిపించవు. త్వరగా ముద్రణకు పంపాలనే జర్నలిస్ట్ ఆత్రుత వల్ల కూడా ఇలాంటి పొరపాటు జరిగి ఉండవచ్చు. ఆ ఫోటో పెట్టిన సమీర అనే జర్నలిస్ట్ నిన్న రాత్రి ntv లో స్వయంగా తన తప్పుని ఒప్పుకుంది. నేను నెట్ లో ఈ ఫోటో కోసం వెతికితే, అది ఒక బ్లాగు http:// jnassif93.wordpress.com నుండి గ్రహించిందని గూగుల్ సెర్చ్ చూపిస్తుంది. దీని వల్ల కూడా ఇది కావాలని చేసిన తప్పు కాదనిపిస్తుంది.అయినా క్రైస్తవుల మనోభావాలు దెబ్బతినకూడదేనే ఆలోచనతో వెంటనే స్పందించిన సాక్షి ని అభినందిస్తూ, ఇదే తరహాలో ఇతర పత్రికలూ వ్యవహరిస్తే బాగుంటుందనిపిస్తుంది.
డా// దార్ల వెంకటేశ్వరరావు,

లెక్చరర్,
సెంట్రల్ యూనివర్సిటి, హైదరాబాదు.
http://vrdarla.blogspot.com