నమస్తే న్యూస్ దినపత్రిక, 21.7.2023 సౌజన్యంతో
సాక్షి దినపత్రిక, 21.7.2023 సౌజన్యంతో
ఈనాడు దినపత్రిక, 21.7.2023 సౌజన్యంతో
మన తెలంగాణ దినపత్రిక, 21.7.2023 సౌజన్యంతో
నవ తెలంగాణ దినపత్రిక, 21.7.2023 సౌజన్యంతో
జన ప్రతిధ్వని దినపత్రిక, 21.7.2023 సౌజన్యంతో
భూమి పుత్ర దినపత్రిక, 21.7.2023 సౌజన్యంతో
ఎంతోమందికి స్ఫూర్తినిచ్చే ఆచార్య దార్ల ఆత్మకథ
అందరికీ కనిపించే కొన్ని బహిర్గతం కాని జీనవ సంఘర్షణలు, సంవేదనలను ఆత్మకథల్లో ప్రతిఫలింపజేస్తారని, అటువంటివెన్నో ఆచార్య దార్ల ఆత్మకథలో ప్రతిఫలించాయని ప్రముఖ సాహితీవేత్త, విమర్శకుడు, తెలంగాణ రాష్ట్ర విశ్వవిద్యాలయ ట్రైబల్ అధ్యాపక సంఘం కార్యదర్శి ఆచార్య ఎం.గోనానాయక్ వ్యాఖ్యానించారు.ఆచార్య దార్ల వెంకటేశ్వరరావు రచించిన నెమలికన్నులు (ఆత్మకథ మొదటి భాగం) పుస్తకాన్ని గురువారం నాడు హెచ్.సి.యు తెలుగు శాఖలో ఆవిష్కరించి ఆయన మాట్లాడారు. ఆత్మకథ రాయడమనేది ఒక సాహసంతో కూడిన పని అనీ, అటువంటిది దళిత ఆత్మకథ రాయడం మరింత కష్టమైందని ఈ సందర్భంగా ఆచార్య గోనానాయక్ పేర్కొన్నారు. సుమారు ఏభై సంవత్సరాల తెలుగు సమాజాన్ని, భారతీయ జీవనంలోని కొన్ని కొత్త కోణాలను ఈ ఆత్మకథలో ఆచార్య దార్ల కవితాత్మక శైలిలో రచించారని ఆయన సోదాహరణంగా వివరించారు. పుస్తకం, దానిలోని అక్షరాలు ఎంతో ఆకర్షణీయంగా, చదవడానికి సౌకర్యవంతంగా పుస్తకం అందంగా వచ్చిందని ప్రముఖ సాహితీ విమర్శకుడు, యూనివర్సిటీ ఆఫ్ హైదరాబాద్ అధ్యాపక సంఘ పూర్వ అధ్యక్షులు ఆచార్య పిల్లలమర్రి రాములు అన్నారు. కవిగా, విమర్శకుడుగా, సహ అధ్యాపకులుగా ఉన్న ఆచార్య దార్ల తన ఆత్మకథలో ఒక దళితుడు విశ్వవిద్యాలయ స్థాయిలో ఉన్నతస్థిలోకి రావడానికి గల నేపథ్యం ఈ ఆత్మకథలో ఉందని, ఇది ఎంతోమందికి స్ఫూర్తిదాయకమనీ అన్నారు. ఈ ఆత్మకథ సీరియల్ గా వచ్చేటప్పుడు చదివామనీ, కోస్తాంధ్ర పలుకుబడి, దళిత జీవిత నేపథ్యాలతో తొలితరం దళితుడు సెంట్రల్ యూనివర్సిటీ లో చదువుకొని, అక్కడే ప్రొఫెసర్ గా, శాఖాధ్యక్షులు పనిచేయడం సామాన్యమైన విషయం కాదని సమావేశంలో పాల్గొన్న ఆచార్య పమ్మి పవన్ కుమార్, ఆచార్య డి. విజయలక్ష్మి, డా. భూక్యా తిరుపతి, డా.బాణాల భుజంగరెడ్డి, డా.డి.విజయకుమారి తదితరులు పేర్కొన్నారు. తన పుస్తకం వెలువడిన నేపథ్యాన్ని పుస్తక రచయిత, తెలుగు శాఖ అధ్యక్షులు ఆచార్య దార్ల వెంకటేశ్వరరావు వివరించారు. ఈ కార్యక్రమంలో మధుసూదన్, తిరుమల సింగ్ తదితరులు ఈ కార్యక్రమంలో పాల్గొన్నారు.
కామెంట్‌లు లేవు:
కామెంట్‌ను పోస్ట్ చేయండి