సాక్షి దినపత్రిక 1.4.2022సౌజన్యంతో
ప్రత్యేక ప్రసంగం చేస్తున్న డా.శ్రీపురం యజ్ఞశేఖర్
అధ్యాపకులతో సమావేశమైన డా.శ్రీపురం యజ్ఞశేఖర్
ఆంధ్ర భాషాభిరంజని సంఘం , మద్రాసు క్రైస్తవ కళాశాల లు తెలుగు భాషా సాహిత్యాల అభివృద్ధికి ఎంతగానో కృషి చేశాయనీ, అక్కడే సి.ఆర్.రెడ్డి, సర్వేపల్లి రాధాకృష్ణన్, భోగరాజు పట్టాభి సీతారామయ్య, శ్రీశ్రీ, వేదం వేంకట రాయశాస్త్రి, నండూరి సుబ్బారావు మొదలైన వారు ఆ కళాశాలలో చదువుకున్న వాళ్ళు, ఉపన్యసించినవారని మద్రాసు క్రైస్తవ కళాశాల, తాంబరం, చెన్నై తెలుగు శాఖ అధ్యక్షుడు డా.శ్రీపురం యజ్ఞశేఖర్ అన్నారు. 'తెలుగు భాషా, సాహిత్యాభివృద్ధిలో మద్రాసు క్రైస్తవ కళాశాల కృషి' అనే అంశంపై డా.శ్రీపురం యజ్ఞశేఖర్ హెచ్ సియు తెలుగు శాఖ విద్యార్థినీ విద్యార్థులను ఉద్దేశించి గురువారం ఆయన ముఖ్య అతిథిగా పాల్గొని మాట్లాడారు. ఈ సమావేశానికి హెచ్ సియు తెలుగు శాఖ అధ్యక్షుడు ఆచార్య దార్ల వెంకటేశ్వరరావు అధ్యక్షత వహించారు.
చెన్నై, బెంగళూరు, ఢిల్లీ, మైసూరు తదితర రాష్ట్రాల్లో తెలుగు లో ఉన్నత చదువులు చదువుకోవడానికీ, ఉద్యోగాలకు అవకాశాలు ఉన్నాయని వాటిని ఆచార్య దార్ల వెంకటేశ్వరరావు వివరించారు. ఎం.ఏ. పరిశోధన రచనా నైపుణ్యం, పద్ధతుల కోర్సులో భాగంగా మద్రాసు క్రైస్తవ కళాశాల వారు ఏప్రిల్ 28, 29 తేదీల్లో జరగబోయే జాతీయ వెబినార్ లో విద్యార్థులంతా పాల్గొని పత్రసమర్పణ చేయడానికి అవకాశమిస్తున్నట్లు ఈ సందర్భంగా డా.శ్రీపురం యజ్ఞశేఖర్ ప్రకటించారు. ఈ సమావేశంలో ఎం.సి.సి.చెన్నైలో పరిశోధన చేస్తున్న గౌతమ్ తెలుగు వారికున్న అవకాశాలు, వాటిని సద్వినియోగం చేసుకోవడానికి గల మార్గాల్ని ఎప్పటికప్పుడు తెలుసుకోవాలని తన అనుభవాలను వివరించారు. ఈ సందర్భంగా డా.శ్రీపురం యజ్ఞశేఖర్ తెలుగు శాఖను సందర్శించి అధ్యాపకులు ఆచార్య పిల్లలమర్రి రాములు, ఆచార్య ఎం.గోనానాయక్, ఆచార్య పమ్మి పవన్ కుమార్, ఆచార్య డి.విజయలక్ష్మి, డా.బి.భుజంగరెడ్డి, డా.డి.విజయకుమారి, ఆచార్య యాదగిరి, పరిశోధకులు, విద్యార్థులను కలిసి తెలుగు కోర్సులు, సిలబస్, రాబోయే తమ వెబినార్లు తదితర విషయాలను అడిగితెలుసుకున్నారు.
కామెంట్‌లు లేవు:
కామెంట్‌ను పోస్ట్ చేయండి