నమ్మకం (కవిత) 6 ఆగస్టు 2018

నమ్మకం
నడవడం నేర్పాక నమ్మకమే నడిపిస్తుంది
అపనమ్మకం భయపెడుతూతడబడేలాచేస్తుంది
గరికలాంటిపొరపాటుతాడులామారిపోతుంది
గమ్యం తెలియనప్పుడు 
యెటుచూసినా అయోమయమే!
గమ్యంగుర్తించలేనప్పుడు యేదైనా దుఃఖమే!
గమ్యమెటో నిర్ణయించుకోలేనప్పుడు

యేదిక్కుకెళ్ళాలో ఎలా తెలుస్తుంది!
అన్నిమార్గాల్ని అన్వేషించాలి
గమ్యంచేర్చేదేదో గుర్తించాలి
చీకటికుహరంలో 
వెలుగుల ఊపిరిపోసిందెవరు?
పురిటినొప్పుల్నెవరుభరించారు?
అమ్మతనం నీగమ్యం గుమ్మందాకా రాకపోవచ్చు
నీగమ్యాన్ని దాటకుండా అడ్డుకునే
మోకాలడ్డుపెడుతుందా!
నమ్మకం నడిపిస్తుంది
అది నమ్మకమే అయితే అమ్మకానికెలాపెడుతుంది!?
నమ్మకమేనడిపిస్తుంది!!
-దార్ల వెంకటేశ్వరరావు
మనతెలంగాణ దినపత్రిక సాహిత్యం పేజీ, 6 ఆగస్టు 2018