పోలాప్రగడ వారి సాహిత్య సభ విశేషాలు!

ఈనాడు హైదరాబాదు ఎడిషన్‌ లో 20-12-2008 న ప్రచురించిన విశేషాలు

సమయం: సాయంత్రం ఆరు గంటలు
తేదీ: 20 డిసెంబరు 2008
స్థలం: త్యాగరాయ గాన సభ, హైదరాబాదు
విషయం: గ్రంథావిష్కరణ సభ
ఎప్పటిలాగే ఒక అరగంట ఆలస్యంగానే కార్యక్రమం ప్రారంభమైంది.
మొదట పద్యాలతో సంబోధిస్తూ వివి సత్యప్రసాద్ గారు అతిధులను వేదిక పైకి పిలిచారు. ఙ్ఞానపీఠ్ అవార్డు గ్రహీత డా//సి.నారాయణ రెడ్డి, హైదరాబాదు దూరదర్శన్‌ డైరెక్టర్ డా.పాలకుర్తి మధుసూధనరావు, హైదరాబాదు విశ్వవిద్యాలయం తెలుగు శాఖ లో ఆచార్యులు , ప్రొ. శరత్ జ్యోత్స్నారాణి, డా// జి.అరుణకుమారి,డా//దార్ల వెంకటేశ్వరరావు(అంటే నన్నూ), విశ్వసాహితీ అధ్యక్షులు డా//పోతుకూచి సాంబశివరావు, ప్రముఖవిమర్శకుడు డా//ద్వానాశాస్త్రి, ప్రముఖ రచయిత్రి ముక్తేవి భారతి, పసిద్ద అనువాదకులు డా//డి.రంగారావు, ప్రముఖ రచయిత్రి పోలాప్రగడ రాజ్య లక్ష్మి , పరిశోధన పుస్తక రచయిత డా//ఎం. సంగీతరావులను వేదిక పైకి పిలిచారు.
ముందుగా జ్యోతి ప్రజ్వలన చేసి సభను ప్రారంభించారు.
ఆ తర్వాత పోలాప్రగడ సత్యనారాయణ మూరి గారి రచనలు : సమగ్ర పరిశీలన గ్రంథాన్ని డా//సి.నారాయణ రెడ్డి, పోలాప్రగడ రాజ్య లక్ష్మి గారు రాసిన కథలను The Travellers Bunglow and other stories విష్కరించారు. పేరుతో అనువదించిన గ్రంథాన్ని డా//పాలకుర్తి మధుసూదన రావు లు ఆవిష్కరించారు.
పోలాప్రగడ సత్యనారాయణ మూర్తి గారు రాసిన వలలు, కథల గురించి డా//జి.అరుణ కుమారి విశ్లేషణాత్మకంగా ప్రసంగించారు.
నవలలో పోలాప్రగడ సత్యనారాయణ మూర్తి గారు రాసిన '' పొత్తుల బావి" గురించి నేను మాట్లాడాను. ( దీన్ని ఈ బ్లాగులోనే త్వరలో వ్యాసరూపంలో అందిస్తాను.)
మిగతావారు పోలాప్రగడ వారి రచనల్లోని విశేషాలను సమీక్షించారు.
త్వరలోనే పోలాప్రగడ వారి సాహిత్యంపై సెమినార్ నిర్వహిస్తానని పోలాప్రగడ రాజ్య లక్ష్మి ప్రకటించారు. సభలో రచయితలు డా//సంగీతరావు, పోలాప్రగడ రాజ్య లక్ష్మి గార్లు తమ స్పందనను తెలిపారు. సినీ నటుడు జెన్నీ వందన సమర్పణ చేశారు.
సభలో ప్రేక్షకులు గా డా//అద్దేపల్లి రామమోహన రావు, హైమవతీ భీమన్న, శీలా సుభద్రాదేవి తదితరులు పాల్గొన్నారు.