వీధి బాలల దినోత్సవం (Street Children's Day)
పుస్తకమ్మును పుణ్యాన పుచ్చు కోక
కూడు దొరకక కుందుచు కుక్షి కొరకు
బడికి వెళ్ళక బరువులు బలము మీర
మోయు చుండిరి ముద్దుల మోము వారు.
ఆట లాడెడి ప్రాయాన అడవి లాగ
మారి పోయెను మనుజుల మమత లెల్ల
చిన్న చేతుల చిక్కుల చిత్ర హింస
దీన మాయెను దిక్కును దేవ దేవ!
అమ్మ నాన్నలు అండగా అవని లేక
ఆకలిన్ గొని ఆశలు ఆరి పోవ
చింపి గుడ్డల చిక్కుచు చిన్న వాడు
వీధి పాలైన విధినిట వినగ రారె!
వెలుగు నింపగ వేగమె వెలయ రండి
కళ్ళ లోనను కాంతులు కలుగు నట్లు
చదువు నేర్పియు చక్కని చదువొసంగి
ధరణి వెలుగును ధన్యము ధర్మ మవని!
చట్ట మున్నది చాటెడు చదువు కొరకు
పనులు జేయుట పాపము పసిడి బాల
అమలు చేసిన అబ్బును అధిక సుఖము
భావి భారత భాగ్యము భాసి లునుగ!
అన్న మడుగుచు అల్లాడి అవని పైన
కంట నీరును కార్చుచు కష్ట మందు
చిన్న బిడ్డల చిక్కుల చిద్ర బ్రతుకు
జూడ తరమెటు జోతల జోలి యందు?
కలలు కనుచుండు కాలము కరుగు చుండ
మోయ రానిడి మోపుల మోయు చుండ్రి
చదువు సంధ్యలు చాటెడి చక్క నైన
బాల్య మంతయు భారమై భాసి లేక.
ఇల్లు లేకను ఇలపైన ఇడుమ లొంది
వీధి పాలైరి విజ్ఞాన విత్త మెరుగ
గూడు లేకను గుండెలు గుభిలు మనగ
పాప లందరు పాడయి పాల బడెరి.
భావి భారత భాగ్యమై భాసి లంగ
వెలుగు నింపరె వేగమె వెలయ రండి
బాల లందరు భాసుర బాట లోన
చింత లేకను చిరునవ్వు చిలికె దరుగ!
లోక మంతయు లోభమై లోలు పైన
కరుణ చూపని కఠినపు కాల మందు
వీధి బాలల వివరము వినరు ఎవరు
పాప మిదియని పలకరు పదిల ముగను.
చిన్న చేతులు చిక్కుల చింత లోన
భార మెత్తుచు భాగ్యము భాసి లేక
కూలి పనులకు కుందుచు కుక్షి కొరకు
బతుకు నీడ్చెడి బలహీన బాల్య మవని.
చదువు నేర్పిన చక్కని చరిత కలుగు
జ్ఞాన మిచ్చిన జ్ఞాతులు జ్ఞాప్తి నిలుచు
బాల లందఱు భారత భాను లవని
వెలుగు నింపరె వేగమె వెలయ రండి.
మమత చూపని మనుజుల మనసు లందు
ఏమి లాభము ఎక్కువ ఎన్ని ఉన్న
ఆదరించిన అమరము అమర పుణ్య
మనిషి గానిల మమతను మరువ కయ్య.
దీన బాలల దిక్కును దేవ దేవ
దేవ దేవర దేవతల్ దేవ భూమి
భూమి పైనను బుట్టిన బుధుల మనుచు
మనుచు చుంటిమి మమతను మరచి నేడు.
పాప లందరు పారవ పాల బడగ
పడగ వలెనయ్య పదిలము పసిడి బాల్య
బాల్యమంతయు భాసుర భాగ్య మవని
అవని వెలుగును అందరి అండ తోడ.
ఆచార్య దార్ల వెంకటేశ్వరరావు
12.4.2026
కామెంట్లు లేవు:
కామెంట్ను పోస్ట్ చేయండి