ప్రపంచ పశు చికిత్సా దినోత్సవం (World Veterinary Dayప్రతి ఏటా ఏప్రిల్ చివరి శనివారం జరుపుకునే ఈ దినోత్సవం)
పాప నేడ్వగ పాలని పరగు నట్లు
అమ్మ ప్రేమను అలరియు అమరు నట్లు
మూగ జీవుల ముదమున ముట్టి జూడ
వాసి కెక్కును వాస్తవ వాణి తోడ.
వాన కురిపింప వానలు వార ధిగను
ధాత్రి సస్యము ధాన్యము ధార నట్లు
వైద్యు డెప్పుడు వాత్సల్య వరుస తోడ
సాకు నెప్పుడు సమ్మత సరణి తోడ.
కాపు కున్నట్టి కామిత కామ ధేను
పాడి పంటలు పరగిన పథము నందు
మేలు గూర్చును మేలుగ మేలు నిడును
శక్తి నిచ్చును శమ్మగు శాంతి తోడ.
పాడి పశువులు పాలిడ పార వశము
కోశ మందున కోరిన కోటి యట్లు
రక్ష సేయుము రాజిల్లు రమ్య పథము
ధరణి నరులకు ధన్యత ధాత నిడును.
వాడి పోయిన వాటము వార నట్లు
తోట మాలియు తోయము తోడు నట్లు
రోగ మొచ్చిన రోగిత రోజు నపుడు
వైద్యు డిచ్చును వైభవ వైఖ రిలను.
ఎండ వేళల ఎండను ఎలమి నాపి
నీడ నిచ్చెడి నీరజ నీడ నట్లు
బాధ నున్నట్టి బాధిత బాట గనగ
కరుణ జూపుము కమ్మగ కన్నెలట్లు.
ఆచార్య దార్ల వెంకటేశ్వరరావు
28.4.2026
కామెంట్లు లేవు:
కామెంట్ను పోస్ట్ చేయండి